RóSu 2016

Róttæki Sumarháskólinn 2016 verður haldinn dagana 8.-14. ágúst á Suðurgötu 10, 101 Reykjavík. Fullt aðgengi er að húsnæðinu og inngangur fyrir þau sem nota hjólastóla er bakatil á hægri hlið hússins.

Í ár verður boðið upp á fjölbreytt og áhugavert efni eins og fyrri ár en alls eru 13 námsstofur. Af þrettán námsstofum verða fimm á ensku, og eru lýsingarnar á þeim jafnframt á ensku. Lengd flestra námsstofa er 1 klukkustund og 45 mínútur, en þrjár þeirra ná yfir meira en eina kennslustund og eru þær merktar sérstaklega í námsskránni.

Á RóSu 2016 verður boðið upp á mat, líkt og í fyrra, í sérstöku matarhléi sem yfirleitt verður milli 19:15 og 20:00. Maturinn verður ókeypis og framreiddur af sjálfboðaliðum úr vistvænum hráefnum. Ef maturinn klárast er stutt fyrir gesti að fara á matsölustaði eða verslanir í nágrenninu, t.d. á Ingólfstorgi.

Líkt og áður verður tekið við frjálsum framlögum til að eiga fyrir ýmsum kostnaði, sér í lagi vegna plakatagerðar, vefhýsingar og matar. Langtímamarkmið fjáröflunarinnar er að færa út kvíar RóSu, til dæmis með því að bjóða erlendum fyrirlesara eða að geta fært hluta af starfseminni út á land.

Framkvæmdahópur sem skipaður var í kjölfar RóSu 2015 annaðist skipulagningu Róttæka Sumarháskólans 2016. Í honum sitja Sólveig Anna Jónsdóttir, Hjalti Hrafn Hafþórsson, Pontus Järvstad, Berglind Rós Gunnarsdóttir, Jón Bragi Pálsson og Pétur Stefánsson

 

Námsskrá

Námsstofulýsingar

Stundaskrá

Um umsjónarfólk námsstofa

Leave a Reply